أبوي

✍🏻 سعيد السعيدي:

في شهر عشرة أنا ودّعت غالي
وانتهت في داخلي أجمل سنيني

ودّعت من كان يوصيني بحالي
ذاك أبوي، وبعد فرقاه حزيني

انطفت شعلة نجاح وكان عالي
وانتهت أفراحي، وربّي لي معيني

كل ما أذكر ضحكته والله طرالي
كل موقف بيننا، وزاد الحنيني

أصبحت من بعدك يُرثى لحالي
عايشٍ بين الفكر وجمر الحنيني

يا نفس صبرك، لو أحمالي ثقالي
لي رحل كان السند في كل زيني

وقلت يا نفسي، خَلّ نشدّ الرحالي
واكملي مسرى أبوي، وخلّفيني

ويا أبوي، بإذن ربي في العلالي
مثل ما كنت، وتوصي في كل حيني

وارفع اسمك فوق روس الجبالي
وافتخر إنّي ولدك، وهذا ديني

ويا عسى يجمعنا ربي بالغوالي
لي فقدناهم، وأهلنا الأوليني

للتواصل مع الكاتب : [email protected]