✍️جبران زويد العتيبي- كاتب وشاعر سعودي :
سلام الله سلام ينعش الخاطر بهالحزات
على اصحابي على احبابي على من خافقي شاله
نيابة عن بني عمي عتيبه في هذا الميقات
هلا يامرحباااا بضيوفي اهل العرف والقاله
غميص ابو فاهد نسل الحرار وراعي المدات
خوي الدرب راع الاوله لاشدت احباله
علومه غانمة شيخ وفطين إمجمل الحفلات
ليااا منه حضر هزت ركون الحفل بافعاله
وحنا ياعتيبه مع هذيل النا زمن وقفات
على وضح النقااا وهويدي الفضلي على فاله
كريم وطيب وراعي وفااا لابوه وقتٍ فات
واسس له بنااا عامر وراع الحمل مشتاله
واذا جانا السعد ياسعد من لحيان جيب وهات
تباشرت القدوم الك وتركت الضيم واشكاله
وانا. ياسليم كيف امدح كريم وكاسب الطالات
يناديه الكرم واكرم من إسمه بالكرم جااا له
مثقف والثقافة عند ابو حاتم لها ونات
من احوال البشر ينسج خيوط الفكر بخلاله
وابو رايد محمد صاحب الاخلاق والبسمات
اذا منه تكلم اسمعه وانفّذ اقواله
وعبدالله ابو نواف وافي في وفاه إثبات
خوي وله مواصيل الوفاء لاميل عقاله
سعيد ابكم هذا الليله
واخوتكم بها اقتات
يااغلى من حضر والعذر بالتقصير واسباله!
للتواصل مع الكاتب [email protected]
صح لسانك شاعرنا المتميز والمتألق دائمآ الأستاذ: جبران بن زويد العتيبي كل الشكر والتقدير لك اباسامي على ماتقدم لاثراء الساحة بقصائدك الرائعة .
صح الله لسانك يابو سامي أنا أشهد انك كملت وجملت بعيد عنك التقصير أنت رجل شهم علومك كلها تنومس جمعت رجال مطاليق يستحقون الكرامة بيض الله وجهك واطال الله في عمرك ومدك بالصحة والعافية.
الحقيقة كانت أمسية جميلة تليق بمقامكم شاعرنا الفذ وتليق بمقام ضيوفك رجال الثقافة والحكمة والرأي السديد
اهنئك على حب الناس لك ولكن يعلم الله انك تستاهل التقدير طيبك وحسن خلقك تفرض علينا إحترام
متألق دائماً يا ابا سامي..
صح لسانك ودام جودك..
صح السانك يابوسامي ..
ماشاء الله تبارك الله ابيات جزله من شاعر جزل ولاهي غريبه عليكم ياعتيبه الكرم والجود وضيوفكم مطاليق ولحى غانمه ويستاهلون المدح والاشاده ..
لافض فوووك يامبدع ..
أغنية في صورة قصيدة مترفة النظم والحبكة والقافية يضوع عبيرها من جنباتها ويفوح شذاها من قلبك الرحب الكبير يا جبر الخواطر..الشاعر الباهر الأصيل النبيل ..هنيئاً لك هذه الصحبة الغالية وهنيئاً لهم بالجبر المحبوب ..تمنيتُ لو أني حرفاً في كلماتك أو نغماً في بحر شعرك ..
دمت بود يا مختلف الحضور والإبداع..
✨🕊️🌹
صح لسانك ياشعرنا الاستثنائي واعتلاء شأنك بيوت جزله من شاعر جزل جبران العتيبي
لله درك ابو سامي كتبت فابدعت
كما قال (علي ابن ابي طالب )
من لانت كلمته ، وجبت محبّته..
كثر خيرك جمعتنا بالليله اخويه فيها الرجال الطيبه من شعر ،واعلام ،وثقافه كانت ليله خالده في القلوب .
انت مكسب لي ولهم وللجميع والساحه كامله ووجودك في الاعلام ، الشعر ، الثقافه ، الرياضه مشاء الله عليك حضورك قيمه ومهم .