✍️ فيصل العنزي – شاعر سعودي :
الي تبي سوه ولا تنظر الناس
خلك على كبود النواقيد عله
الي يقول الفاس بيطيح بالراس
البس له الخوذه وروح وقله
ان العمر واحد ترا الوضع حساس
وان القدر مكتوب مافيه زله
بعض النصايح شر ماهي على ساس
خذ غايتك منها وباقيه خله
ركز ترا تنطح غرابيل واتعاس
عاند ظروف الوقت والصعب حله
وخل الميانه دايم بحد وقياس
والخبل لو يجسر تبي تصير فله
لا ترخي اذنك ثم تبلش وتحتاس
مالك ومال الهرج نصه وكله
بالمختصر لا تنطق بصدق واحساس
(من يسالك) مدري ولا اعرف ولله
لو تلتفت للخلف وتشوف الانجاس
طلع لهم هذا (.🖊️.) ولو جف بله
واكتب عليهم معرفة هم وافلاس
ولابد من وضع النفايه بسله
والمر لو ذقته من الكاس لا باس
من ريحك ي فلان خلك بظله
صوت الامل يعلو على نبرة الياس
ما دام لك ربٍ كريمٍ (ومله)
للتواصل : [email protected]
