✍🏻جبران بن زويد العتيبي- شاعر وكاتب سعودي :
ليت البحر يحكي على مانعانيه
ويقول مابانفوسنا من حقيقه
صحيح انا احبه بروحي وادانيه
واتأمله صديق جاي الصديقه
وابا اتصالح معه واعرف خوافيه
واعيش معه الثانيه والدقيقه
لكن لاقامت امواجه تجافيه
اخاف لايغدر بروحي بريقه
احيان اظن انه صديقي واجاريه
واحيان اقول إني مجرد رفيقه
حويت من تحت الحنايااا مأسيه
وازريت لالقاااا مثل قلبي يطيقه
يابحر جيتك والعتب غارقٍ فيه
وانت البحر تحمل اسرارٍ عميقه
اما اشتر الخاطر وخفف بلاويه
ولا اعتذر يابحر جدة وضيقه!!!
للتواصل مع الكاتب : [email protected]
صح الله لسانك يابو سامي كلمات جميلة ملئية بالتخيلات الإبداعية ودائماً محاكات البحر لها طابع جمالي تغنى بها الكثير من الشعراء فلايستغرب من الشاعر جبران العتيبي أن يجلس على شرفات وشاطي البحر ويحدثه ويشكي همومه ومعاناته فللبحر مع الشعار حكاية ازلية.
البحر يعشقه المحبين ويعشقه المثقفين ويعشقه كل من في الكون هدير المواج ترفع عن النفس العموم وتعطي المبدعين آفاق فزرقة الماء تعطي متعة بصرية خيالية بارك الله فيك شاعرنا المبدع زدنا فكلنا شوق.
الله الله الله
صح السانك والله .. تلامس الروح 🕊️
صح لسانك الشاعر المبدع جبران العتيبي . تصوير رائع وجميل للقصيدة انت دائمآ مبدع يااباسامي
صح الله لسانك شاعرنا المبدع ابدعت وأمتعت