✍️خليفة الشبلي :
جيتـك إحساس الخفوق اللي يسابقـه الولـه
جيت كالحلم وطيوفه جيت وانتي تنظريـن
عانقي وصلي وغرامي وخاطـري ومستقبلـه
لا تزيديـن المتيم غـربــه واشـواق وحنيـن
ابحـري بـمـوج المحبـة في المحيـط بأكملـه
الامـان بـشـط بـحــرك صـار رحـلــة غانميـن
والـعـواطـف والـمـشـاعـر انثيـرهــا مجملــه
دامـه احساسك غرام وتكتبـه أحلى السنيـن
الهمينـي لكـل حـبــك بالهنـا كـيــف أوصلــه
وأفرحينـي بأن قـلبـي كلـه بـتـسـتـوطـنيـن
أنثـري عـطــرك مـحـبــة بآخـره قبــل أولــه
خلي ريضانه سعـاده وحـظ عـوده ياسميـن
قصـة العاشـق بـدايــة هي أمامـك مـاثـلــه
اسـرديهـا وجمليهـا مـن معانـي بـك تـزيــن
انتـي للقصـة أســاس وكـل شـي ٍ تـشـمـلـه
من خيال بعيد واسع صرتي لي واقع ثميـن
ف اسمحـي لنبضـي يعانـق بالحنايـا منهلـه
وعايشي لحظة بلحظة فرحة الحب المكين
ودامـهــا اسمــى المشـاعــر بيننـا متبـادلــة
اسمحيلـي لـو بعبـر عـن شـعـوري بكلمتيـن
شفتـك الـقـمـة وقدرها يالوصـوف الكاملـه
وشفتك الحظ الجميل وفيه كنتي تزهرين
مـذهلـه وكلك عـذوبــه والله انـك مـذهلـه
لا تلومينـه مـحبـك إن غـدى بحبـك رهيـن
للتواصل مع الكاتب [email protected]m
