✍️وهج الحاتم – شاعر وكاتب :
يا محمد الضـرغـام يانسل آل سعــود
تعتلي روس المراجل لين تنقاد العظام
شايلٍ حمل الجزيرة فوق متنك بالزنود
حمل دولة مايشيله غير من فج الضرام
كل ما حاصر زمانك بالمكاره والسدود
شقّ عزمك في عماها للمعالي ألف عام
والشدايد لا تزاحم حول رايات الأسود
ما تزيد الحرّ غير إبراق عزمٍ واحتدام
وحنّا لا هبّت سموم الوقت من دون الحدود
نزرع بوجه العواصف بالسيوف ولا نضام
ما نعدّ أرواحنا لا صار للموقف وقود
دون دارك كل غالي يا محمد مستهام
وانت مقدام الشجاعة وقفتك تروي الكبود
يوم بعد الله وقفت وشعبك بعزة ينام
إن بغى التاريخ يعرف من يعاند بالوجود
قلت ذي دارٍ ورثنا العزّ فيها من إمام
للتواصل : [email protected]
